Bekim Balaj e nisi me gol këtë edicion të Superiores, teksa shënoi me penallti në minutën e 29-të në duelin ndaj Kukësit, të fituar bindshëm me shifrat 3-1. Në prononcimin e dhënë pas ndeshjes, sulmuesi shkodran ndër të tjera foli edhe për mundësinë e rikthimit në Kombëtare, duke u shprehur:
“Ndjesi e mirë të shënosh ndeshjen e parë. Ishim të detyruar të fitonim para tifozerisë tonë. Kishim goxha raste për shënim. Goli i shpejt na bëri që të kontrollonim lojën. Për sulmuesit është e rëndësishme që të shënojnë sa më shumë. Vjet pata vështirësi në gjetjen e golit. Ndërsa sivjet pata mundësi të stërvitesha në fazë me skuadrën dhe nisja e kampionatit me gol, shpresoj që të jetë një ogur i mirë.
Trofeu i këtij kampionati është kapja e katërshes, pastaj është një mini-fazë për tu luajtur. Mundësitë janë reale për ne.
Këtë sezon, ndeshja me Lindfild, ishte pak a shumë si sot. Mund të krijojmë epërsi në krah dhe mund të shërbehem më shumë. Ai stil loje më përshtatet edhe më shumë. Këtë sezon mund të gjendem më shumë para portës.
Te penalltia Mala e mori topin se ishin disa kundërshtarë dhe ma dha mua. Kështu është vendosur këtë sezon, penalltitë i gjuaj unë.
Të jesh pjesë e Kombëtares, është një ndjenjë krenarie, unë e kam provuar për 50 ndeshje. Nëse trajneri e shikon se jam i nevojshëm për të shërbyer në ndonjë ndeshje të caktuar, unë jam gjithmonë i gatshëm”, u shpreh Balaj./PanoramaSport
Discussion about this post