Një shqiptar është arrestuar pas sulmit të organizuar ndaj dy personave në një klub nate. Në pranga bashkë me shqiptarin ka rënë dhe një italian dhe një brazilian 19 vjeç, të cilët akuzohen nga karabinierët për kanosje dhe plagosje personi.
Mësohet se ngjarja në të cilën është përfshirë shqiptari ka ndodhur më 13 maj, ku pas një zënke në një klub nate, u plagosën rëndë babë e bir me origjinë italiane.
Shqiptari, italiani dhe braziliani sulmuan me shkelma, grushte dhe sende të forta babë e bir duke i shkaktuar dëmtime të rënda. Babai qëndroi 10 ditë në spital, ndërkohë që djali pësoi dëmtime fraktura të rënda në kafkë dhe iu desh më shumë se dy javë kohë në trajtim intensiv. Autorët e dyshuar u arrestuan pas dëshmive të mbledhura dhe këqyrjes së kamerave rreth klubit të natës dhe në qytet.
Discussion about this post