Shqetësohen te Real Madrid në prag të sfidës me Leipzig, Perez përfundon në spital, operohet në mushkëri

Presidenti i Real Madrid, Florentino Perez ditën e sotme i është nënshtruar një operacioni në mushkëri, ndërsa iu hoq një masë e infektuar.

Ndërhyrja e planifikuar për ditën e sotme u zhvillua në Spitalin Universitar “Puerta de Hierro” në Majadahonda dhe përfundoi rreth orës 11:30.

Prognoza e presidentit të Real Madridit nuk ishte e mirë, prandaj nuk mundi ta shoqëronte skuadrën në udhëtimin drejt Leipzig, në ndeshjen e parafundit të fazës së grupeve të Champions League.

Florentino Perez, 75 vjeç, i cili ishte në sallonin e nderit të klubit të dielën e kaluar dhe pas takimit po bisedonte me disa lojtarë (ai i dha Modric një fanellë për 450 ndeshjet e tij). Ai duhet të pushojë për disa ditë, përpara se t’i kthehet rutinës së tij të përditshme në krye të klubit të bardhë.