Partia Demokratike ka kallëzuar penalisht Fatjon Dautit, personin që shoqëronte ish-kryeministrin Sali Berisha dhe që shkelmoi derën e mbyllur të sallës ku mbahen konferencat për mediat në PD.
Sipas njoftimit të PD, ky person është me precedentë kriminalë në Britaninë e Madhe, pasi akuzohet për dhunë ekstreme, trafik kokaine dhe pastrim parash.
“Pas analizimit të pamjeve filmike rezulton se i urdhëruar nga deputeti Flamur Noka, shtetasi Fatjon Dauti, person me precedentë të rëndë kriminal, që shoqëronte Sali Berishën, ka dhunuar ambientet e selisë qendrore të Partisë Demokratike. Sipas Ministrisë së Brendshme dhe Agjencisë Kombëtare të Krimit në Britaninë e Madhe, shtetasi Fatjon Dauti është cilësuar person i aftë për dhunë ekstreme dhe një anëtar me ndikim në një rrjet kriminal shqiptar me qendër në Londër i përfshirë në importimin e kokainës, prodhimin e kanabisit, trafikim të njerëzve dhe pastrimit të parave”, njofton PD.
Më herët, ish-kryeministri Berisha u fut në selinë e PD i shoqëruar nga mbështetësit e tij nga ku dha një deklaratë për mediat.
Discussion about this post