Tifozja e veçantë e Kombëtares, Miranda ka ardhur sërish nga Brukseli për të ndjekur Shqipërinë në sfidën me Ishujt Faroe që do të mbahet mbrëmjen e sotme në stadiumin “Air Albania”.
E veshur e gjitha me flamurin shqiptar, Miranda ka edhe një parashikim për rezultatin e ndeshjes së sotme, 4-0 në favor të Kombëtares Shqiptare.
Si po të duket atmosfera sonte?
Miranda: Atmosfera sonte duket shumë e zjarrtë, sonte vetëm festë është. Kam ardhur në Shqipëri 2-3 ditë më përpara. Kështu që jam mirë, ditën e ndeshjes jam rehat.
Na shuaj kureshtjen për diçka, do ta ndjekësh kombëtaren shqiptare edhe në Gjermani besoj?
Miranda: Po, patjetër. Tani që është kualifikuar, patjetër që do të shkoj në Gjermani.
Si mendon se do të jetë rezultati sonte?
Miranda: Mendoj se 3 ose 4 me 0. Sot jemi vetëm për të festuar.
Kush t’i stilon veshjet?
Miranda: Unë e kam pasur idenë për të berë veshje speciale për 28 Nëntorin, por më kanë ndihmuar dhe mami dhe babi. /tvklan.al
Discussion about this post