Parlamenti i Shqipërisë dhe i Kosovës do të mblidhen me datën 20 dhjetor në orën 11:00 në sallën e seancave plenare të parlamentit të Kosovës në një seancë të përbashkët.
Axhenda e mbledhjes ende nuk është bërë publike, por sipas burimeve pranë parlamentit të Kosovës, në seancë pritet të flasin kryetarët e grupeve parlamentare të të dy vendeve.
Sa i takon pjesëmarrjes, pritet që nga Shqipëria te shkojnë rreth 70 deputetë dhe nga Kosova rreth 60 të tillë.
Kjo nuk është hera e parë. Më 28 nëntor 2022, Kuvendi i Shqipërisë dhe Kuvendi i Kosovës zhvilluan një mbledhje të përbashkët të të gjithë deputetëve.
Në këtë mbledhje, deputetëve iu adresuan kryetarja e Kuvendit të Republikës së Shqipërisë, Lindita Nikolla dhe kryetari i Kuvendit të Republikës së Kosovës, Glauk Konjufca.
gijotina.com/
Discussion about this post