Asambleja e Përgjithshme e OKB-së ka bërë thirrje me shumicë dërrmuese për një armëpushim humanitar të menjëhershëm dhe të qëndrueshëm midis Izraelit dhe Hamasit dhe ka kërkuar qasje të papenguar të ndihmës në Rripin e Gazës. Mocioni i hartuar nga Jordania nuk është detyrues, por ka peshë politike, duke reflektuar shkallën në të cilën SHBA dhe Izraeli janë të izoluar ndërkombëtarisht ndërsa Izraeli rrit sulmet e tij tokësore.
Rezoluta u miratua me 120 vota pro, ndërsa 45 abstenuan dhe 14 votuan kundër, përfshirë Izraelin dhe SHBA-në, votuan kundër. Sllovenia, Bosnje & Hercegovina dhe Mali i Zi votuan pro rezolutës, Kroacia ishte kundër, ndërsa Shqipëria, Serbia, Maqedonia, Bullgaria dhe Greqia abstenuan. Rezoluta nuk përmend emrin e Hamasit, i cili mban peng rreth 220 civilë që u kapën gjatë sulmeve shkatërruese të 7 tetorit.
Por bën thirrje për lirimin e menjëhershëm dhe të pakushtëzuar të të gjithë civilëve të mbajtur ilegalisht në robëri dhe kërkon sigurinë dhe trajtimin e tyre njerëzor dhe dënon sulmet ndaj civilëve palestinezë dhe izraelitë. Rezoluta gjithashtu kërkon që furnizimet thelbësore të lejohen në Rripin e Gazës dhe punonjësit humanitarë të kenë akses të qëndrueshëm.
Dhe i bën thirrje Izraelit të anulojë urdhrin e tij që njerëzit në Gaza të evakuojnë veriun dhe të lëvizin në jug dhe refuzon me vendosmëri çdo përpjekje për transferimin e detyruar të popullsisë civile palestineze. Rezoluta thekson gjithashtu nevojën për të krijuar urgjentisht një mekanizëm për të siguruar mbrojtjen e popullatës civile palestineze.
“I dërgon mesazh të gjithëve, mjaft është mjaft. Kjo luftë duhet të ndalet, masakra kundër popullit tonë duhet të ndalet dhe ndihma humanitare duhet të fillojë të hyjë në Rripin e Gazës”, u tha gazetarëve i dërguari palestinez në OKB, Riyad Mansour.
Pas presionit nga SHBA-ja dhe Kanadaja, një përpjekje për të dënuar Hamasin me emër dhe për të kërkuar lirimin e menjëhershëm të pengjeve u miratua me 88 kundër 55, por nuk arriti të fitonte shumicën e kërkuar prej dy të tretave.
Jordania fillimisht kishte kërkuar një armëpushim të menjëhershëm, por në një përpjekje për të maksimizuar mbështetjen, amendoi draftin duke bërë thirrje për një armëpushim të menjëhershëm dhe të qëndrueshëm humanitar që çon në një ndërprerje të armiqësive.
Është hera e parë që OKB-ja ka arritur në një pikëpamje kolektive për krizën e Lindjes së Mesme, pas katër përpjekjeve për të arritur një qëndrim të përbashkët për Këshillin e Sigurimit më të vogël prej 15 anëtarësh të OKB-së, dështuan për shkak të vetos që ushtruan nga Rusia ose SHBA.
Discussion about this post