Shqipëria doli nga lista gri e pastrimit të parave, në të cilën kishte hyrë që në shkurt të 2020. Më herët ishte njoftuar se ky vendim, pra i nxjerrjes së Shqipërisë nga lista gri, ishte rezultat i tërheqjes së Qeverisë shqiptare nga amnistia fiskale.
Ndërkohë kryeprokurori Olsian Çela duke reaguar lidhur me këtë vendim të FATF, shprehet se rezultati është fryt dhe kontribut thelbësor i seksioneve të posaçme në 7 prokuroritë kryesore të vendit.
“Shqipëria del nga lista gri e pastrimit të parave, fryt ky edhe i një kontributi thelbësor të seksioneve të posaçme në 7 prokuroritë kryesore të vendit, ngritur në kuadër të zbatimit të strategjisë së hartuar nga Prokuroria e Përgjithshme në vitin 2020 për të luftuar fenomenin”, shkruan kryeprokurori në një postim në “X”.
Discussion about this post