Pak kohë më parë kryeministri i Kosovës, Albin Kurti, tha se do të votonte pro Shqipërisë së madhe vetëm nëse do të bëhej në mënyrë demokratike. Por për ironi të tij, Partia Socialdemokrate ka hapur sot një pikë votimi, ku i kërkon Kurtit që të votojë në referendumin për bashkim kombëtar me Shqipërinë.
Nol Nushi nga PSD, tha se e kanë përgatitur një vendvotim kastile Kurtin, por ai sërish nuk shkoi. Sipas tij, kjo tregon që Kurti nuk ëshTë për një Shqipëri të Bashkuar. “Kurti nuk votoi sot në referendum për bashkim. Ai po fshIhet diku në labirintet e godinës shumëkatëshe qeveritare. Secili hap që e bën po na e kujton një hap tjetër që s’po e bën. Kauzat e braktisura janë hijet që po e ndjekin kryeministrin tonë në ekzil”, tha Nushi.
Sipas tij, injorimi i këtyre kauzave rrëzon çdo përpjekje tjetër të qeverisë për marrëdhëniet Shqipëri-Kosovë dhe ecjen përpara të vendit. “Braktisja e kauzave ia humb kuptimin angazhimit politik. Është dorëzim i politikës tek reaksioni, tek suksesi individual. Ky është rasti i Kurtit, ky është mësimi i tij”, ka thënë Nushi. Nga ana tjetër Kurti nuk ka dhënë asnjë reagim në lidgje me këtë deklaratë.
Discussion about this post