Trajneri i kombëtares së Shqipërisë, braziliani Sylvinho, tha se kemi qenë në një grup të vështirë dhe kemi 6 ndeshje që nuk pësojmë humbje.
“Kemi një skuadër që rritet, që nuk pëson humbje, që merr pikë në 6 ndeshjet e fundit. Jemi të parët në Grup, kualifikohemi në Euro2024, dhe kjo duhet të na gëzojë të gjithëve. Është meritë e lojtarëve”, tha Sylvinho, në reagimin e parë pas ndeshjes që u mbyll në barazim 0-0 me Ishujt Faroe.
Sylvinio tha se shpresonte në një short që do të favorizonte Shqipërinë në ndeshjet e grupeve në Euro2024.
“Ylli i vërtetë është skuadra, ajo e ka bërë të mundur këtë arritje deri më tani”, tha tekniku brazilian.
Discussion about this post