Deputetja e Partisë Demokratike, Ina Zhupa ka reaguar në lidhje me raportin e Kombeve të Bashkuara për Drogat dhe Krimet, të cilët e rendisin Shqipërinë në vendin e 7-të në botë për kultivimin e kanabisit.
Përmes një reagimi në rrjetet sociale, Zhupa e quan me ironi këtë si “arritje” të qeverisë së dështuar dhe të korruptuar. Zhupa thotë se qytetarët nuk meritojnë këtë qeverisje dhe as që vendi të jetë vendi i drogës dhe i krimit, por i punës dhe dinjitetit.
“Shqipëria në “G7” e vendeve më të fuqishme në kultivimin e kanabisit. Këto janë arritjet e një qeveri të dështuar, të korruptuar, të bërë njësh me krimin e organizuar. Shqipëria përmendet si një nga shtatë vendet kryesore në botë të kultivimit të kanabisit nga 154 vende, në raportin e fundit botëror të drogave 2022, një publikim i UNODC, zyra e Kombeve të Bashkuara për Drogat dhe Krimet. Ndërsa për Europën Juglindore, Shqipëria renditet e para për vendet që kanë një kultivim të konsiderueshëm të kanabisit, i cili eksportohet ose prodhohet për kultivim të brendshëm. Me këto të dhëna si Kanabistan i Europës, na shfaqen si të cuditur që Bashkimi Europian nuk hap negociatat me Shqipërinë. Qytetarët shqiptar nuk meritojnë këtë qeverisje, nuk meritojnë të jenë vendi i drogës dhe i krimit, por vendi i punës dhe dinjitetit. Shqipëria në rrezik, protestojmë më 7 korrik, ora 19:00!”, shprehet Zhupa.
Discussion about this post