Kombëtarja e Shqipërisë ka udhëtuar sot drejt Pragës në kuadër të ndeshjes së radhës në Republikës Çeke që luhet më datë 7 shtator në stadiumin “Fortuna Arena”.
Skuadra është nisur paradite nga Aeroporti “Nënë Tereza” për të mbërritur në mesditë në kryeqytetin çek e duke u akomoduar menjëherë në hotel.
Departamentin i Komunikimit në FSHF bën me dije se vetëm mesfushori Qazim Laçi nuk ka udhëtuar me grupin dhe nuk do të jetë i gatshëm për shkak të gjendjes gripale.
Lojtari ka qëndruar në Shqipëri dhe stafi teknik shpreson ta ketë në dispozicion për ndeshjen e dytë ndaj Polonisë, që luhet më 10 shtator. Pjesa tjetër e grupit është e plotë dhe të gjithë gëzojnë formë të mirë.
Në aeroport delegacioni kuqezi u prit edhe nga Ambasadori i Shqipërisë në Republikën Çeke, Sh.T.Z. Ilirian Kuka, i cili u takua me ekipin e stafin teknik dhe u uroi suksese në këtë ndeshje të rëndësishme për objektivat e kuqezinjve në kualifikueset e Europianit 2024.
Kombëtarja do të zhvillojë seancë zyrtare stërvitore në ora 18:00 në stadiumin “Fortuna”, ndërkohë që po sot trajneri Silvinjo do të jetë në konferencën zyrtare për shtyp në stadiumin e ndeshjes.
Discussion about this post