Kombëtarja e Shqipërisë ka përfunduar përgatitjet për një nga “finalet” e grupit në këto eliminatore të Europianit përballë Çekisë.
Kuqezinjtë kanë zhvilluar mbërmjen e së martës seancën e fundit stërvitore përgatitore, përpara udhëtimit për në Pragë, pranë fushave të kompleksit të kombëtares në “Shtëpinë e Futbollit”.
Këtë herë i gjithë grupi ishte në dispozicion të trajneri Sylvinho pas rikuperimit që bën disa lojtarë të hënën pasi mbërritën në grumbullim nga ndeshjet e fundit të klubeve të tyre.
Ashtu si edhe të hënën trajneri brazilian ka zhvilluar veç skemave tekniko taktike, edhe një ndeshje kontrolli duke improvizuar situata të ndryshme të ndeshjes. Repartet e ekipit u ndanë në pjesë të caktuara të fushës ku secili grup kishe rogramin e tij si mbrojtja, mesfusha dhe sulmi.
Çekia aktualisht është skuadra që kryeson grupin pas tre ndeshjeve të luajtur me dy fitore dhe një barazim, duke u renditur përpara kuqezinjëve që e ndjekin nga vendi i dytë me 6 pikë me po 3 ndeshje por që kombëtarja jonë ka dy fitore dhe një humbje.
Ndeshja me Republikën Çeke do të luhet më datë 7 shtator në Pragë, ndërkohë që menjëherë me 8 shtator kuqezinjtë do të jenë në Tiranë për të filluar përgatitjet për ndeshjen e dytë që gjithashtu është po kaq e rendësishme me Poloninë në Tiranë në stadiumin “Air Albania”, takim për të cilin, si rrallë herë prej mëse një muaji janë shitur të gjitha biletat.
Discussion about this post