Në Kosovë është kthyer furnizimi i rregullt me energji elektrike, bëri me dije Ministria e ekonomisë, të hënën. Kjo falë ndihmës nga Shqipëria që i ka dhënë energji elektrike Kosovës, përkatësisht bashkëpunimit të Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH).
Kompania Kosovare për Shpërndarjen e Energjisë Elektrike (KEDS) në Kosovë njoftuan se nga 15 gushti do të kishte reduktim të energjisë, i cili nisi nga ora 08:00, por si duket nga ora 14:00 gjendja do të jetë e stabilizuar.
Kthehet furnizimi i rregullt me energji elektrike. Duke u nisur nga situata botërore me krizën energjetike që ka prekur edhe rajonin, të gjitha institucionet përgjegjëse po punojnë intensivisht dhe në koordinim për sigurinë e furnizimit me energji elektrike. Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike. Institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim. Megjithatë, marrë parasysh situatën, luten të gjithë qytetarët dhe bizneset që të marrin masa kursimi dhe të jenë sa më të kujdesshëm në përdorimin e energjisë elektrike. Bashkëpunimi me Shqipërinë do të pasohet nga të tjera masa në adresim të krizës energjetike dhe gjendjes së emergjencës ku ndodhemi”, thuhet në njoftimin e policisë.
Në Kosovë, rreth 94 për qind e energjisë prodhohet nga djegia e thëngjillit, ndërsa rreth 6 nga burimet e ripërtërishme sikurse hidrocentralet, centralet me erë dhe panelet diellore.
Kriza energjetike ka prekur rajonin, duke bërë që disa vende, si rasti i Kosovës, të kenë vështirësi në furnizimin me energji elektrike
Kjo është hera e dytë që Shqipëria e ndihmon Kosovën me energji elektrike. Dimrin e shkuar, për datën 31 dhjetor dhe 1 janar Shqipëria i dha Kosovës 7,680 megavatë energji elektrike për datën, në një përpjekje për të ndihmuar vendin që po përballej ndërprerje të elektricitetit.
Discussion about this post