Juristi Jordan Daci ka deklaruar se sfida e presidentit të ri, Barjam Begaj është çështja e detit me Greqinë. Daci tha se çështja e detit e vendos në pozicion disfavori Shqipërinë, duke qenë se ka kaluar në gjykatë ndërkombëtare.
“Marrëdhëniet aktuale që kemi me partnerët dhe perspektiva për ta thelluar këtë bashkim, do ta bëjë një president që do të jetë më i baraslarguar dhe që do të ketë një përkrahje më të madhe dhe do të merret më shumë me jashtë se sa brenda vendit. Sfida e tij do të mbetet çështja e detit me Greqinë. Nuk është e vështirë për ta menaxhuar për sa kohë janë kufijtë e përcaktuar nga Gjykata Kushtetuese. Sfidën nuk e shoh me presidentin më shumë se sa Shqipërinë, sfida më e madhe dhe këtu është se ne mund të ndahemi me të gjitha forcat politike, por duhet të na bashkojë Shqipëria në fund, çështja e përballjes në një gjykatë të mundshme ndërkombëtare me çështjen e detit kalon çdo interes politik dhe kërkon super punë. Presidenti ka rol se duhet të japë autorizimin, do të ketë një rol për sa i përket autorizimit të mëtejshëm Duke qenë kreu i politikës së jashtme sfida më e madhe do të jetë kjo, sepse ne e fillojmë këtë betejë nëse ndodh në gjykatë ndërkombëtare në disfavor bazuar me atë që ka ndodhur në terren, zgjatja e ujërave detare nga ana e Greqisë. Përvoja që ka Greqia në arenën ndërkombëtare pasi dominojnë gjykatës me origjinë greke në çështjet e detit, ky president me background ushtari do të ketë sfidë”, tha Daci.
Kujtojmë se presidenti i ri i vendit do të jetë Bajram Begaj, i cili u zgjodh në parlament me 78 vota pro.
Discussion about this post