Shqipëria nuk ka bërë asnjë përmirësim sa i përket reduktimit të nivelit të varfërisë në vitet e fundit. Madje ne vazhdojmë të qëndrojmë në vendet e para të listës me shtetet që kanë nivelin më të lartë të varfërisë. Varfëria është një koncept i cili shprehet në mënyrë sasiore bazuar në treguesit e të ardhurave për frymë dhe në aftësinë e individëve për të përmbushur nevojat jetësore bazë. Megjithëse Shqipëria nuk ka një minimum jetik të njohur me Ligj, INSTAT publikon të dhëna të numrin dhe përqindjes së popullsisë që jetojnë nën një nivel të caktuar të ardhurash. Ndër vite përqindja e popullsisë që jeton në varfëri absolute, madje nën kufijtë kombëtarë të varfërisë.
Në vitin 2019 janë 21.8% e popullsisë që zyrtarisht jetojnë nën kufirin e varfërisë. Ndërsa në vitet 2020 dhe 2021, INSTAT nuk ka bërë ende publikimet respektive. Ndërkohë vitin që lamë pas Banka Botërore tregoi në raport se gati 43% e popullsisë në Shqipëri jetojnë në varfëri ekstreme dhe në luftë për mbijetesë.
Nga të dhënat e publikuara nga OpenData rezulton se Shqipëria shënon një indikator të varfërisë absolute në nivelin 21.8% të popullsisë, duke qenë në nivele të përafërta me Malin e Zi (22.6%), Serbinë (21.7%) dhe Letoninë (21.6%). Nivelin më të lartë të këtij indikatori në vitin 2019 e shënon Bullgaria me 23.8% dhe nivelin më të ulët e shënon Ukraina me 1.1%. Duhet pasur parasysh që ky indikator matet në bazë të kufirit që secili vend vendos për nivel varfërie.
Ndërsa në njëzetë vitet e fundit shënon mesatarisht 20% të popullsisë të saj që jeton në nivele të varfërisë absolute. Viti me përqindjen më të ulët të popullsisë që jeton në kufijtë kombëtarë të varfërisë është viti 2008 me përkatësisht 12.4% (373 137 persona), ndërsa viti me përqindjen më të lartë është vitit 2002 me përkatësisht 25.4% (813 196 persona). Pra vendi ynë në vend që të njoh përmirësim, shkon gjithmonë e më shumë drejtë varfëri.
Discussion about this post