Shqipëria nuk ka marrëveshje ekstradimi me Dubain, kthehet në “strehë” për kriminelët shqiptarë

Dubai konsiderohet si shtëpia e kriminelëve ku mund të lëvizin të lirë dhe pa u ekstraduar në vendet ku kanë kryer krimet e tyre.

Shqipëria por edhe disa vende të ballkanit nuk kanë një marrëveshje ekstradimi, e për këtë arsye taktika e bosave shqiptarë të krimit është të fshihen në Dubai. Edhe nëse ata do të bien në pranga, atje do të vuajnë më pak se gjysmën e dënimit për krimet që kanë kryer në Shqipëri.

Kjo për shkak të hetimeve që i takojnë vetëm prokurorisë shqiptare dhe ato nuk mund të kalojnë në Dubai për shkak së nuk ekziston një marrëveshje për ekstradim.

‘Denis Matoshi, alias Eldi Dizdari, një nga bosët më të mëdhenj të drogës, i arrestuar në Dubai si pjesë e organizatës kriminale të trafikut të kokainë, nuk do të ekstradohet në Itali’. Emiratet e Bashkuara Arabe nuk kanë lejuar ekstradimin e Matoshit, por edhe të kriminelit të famshëm të Camorra-s, Rafaele Imperiale. Në artikull, Matoshi cilësohet si ‘mbreti i drogës shqiptare’.

Në një artikull e raport të publikuar sot thuhet se grupet kriminale shqiptare ndahen në tre pjesë, ‘punëtorët’ që lihen në vende ku prodhohet koakina, Ekudor, Brazil, Kolumbi, tregtarët që ndodhen në vendet ku bëhen shitja, Evropë, ndërsa shefat qëndrojnë në Emiratet e Bashkuara Arabe, bashkë me paratë e tyre. Një tjetër gjë theksohet në shkrim, është se ajo që u jep siguri dhe lehtësi është mundësia për të investuar në prona të patundshme.

Tjetra është edhe mos ekstradimi i të shumëkërkuarve. “Global Initiative” përmend rastin e Eldi Dizdarit që u vu në pranga në Dubai në kuadër të një operacioni të zhvilluar nga Europol, por nuk arriti dot kurrë që ta ekstradonte. Ndërkohë që Italia priste përgjigje, Dizdarit që njihet edhe si Denis Matoshi i mbaroi afati i paraburgimit. Por këtu nuk ka vetëm shqiptarë. Një tjetër emër që përmendet është lideri i kartelit famëkeq Tito dhe Dino, Edin Gaçani, nga Bosnje Hercegovina, që e ka përdorur Dubain si bazë të tij që nga viti 2019. I quajtur ‘Eskobari evropian’, Gaçani, akuzohet se është një trafikant i madh kokaine.