Shqipëria nuk ka mundur të shkojë më shumë se barazimin në miqësoren e luajtur pasditen e sotme në “Air Albania Stadium” ndaj Gjeorgjisë. Kuqezinjtë kanë krijuar disa raste të rrezikshme, por nuk kanë arritur t’i shfrytëzojnë. Skuadra jonë tentoi të gjente rrjetën në pjesën e parë me sulme nga krahët sidomos nga ai i Roshit në të djathtë teksa Manaj dhe Broja nuk arritën të gjenin golin.
Çekiçi kishte rastin më të mirë për të shënuar në 38’ me një depërtim në zonë por gjuajtja ishte mbi tra. Edhe Gjeorgjia kishte 2 raste të rrezikshme ku në 41’ iu afruan edhe portës së Strakoshës duke gabuar në gjuajtjen e fundit.
Gjithsesi Pjesa e dytë nisi pa Brojën pasi Reja e zëvendësoi me Cikalleshin teksa sulmuesi i sapo futur rrezikon me një gjuajtje menjëherë në 59’ që shkon ngjitur me shtyllën. Gjakrat janë ndezur në minutën e 71-të, për shkak të futjes në fushë të trajneri Reja. Tekniku i Shqipërisë ka reaguar ndaj një simulimit të kundërshtarëve, duke e ftuar lojtarin të ngrihej në këmbë.
Ky gjest i trajnerit nuk është pritur mirë nga gjeorgjianët, të cilët kanë patur një përplasje me lojtarët kuqezi para stolit të Shqipërisë.
Discussion about this post