Ministri i Mbrojtjes, Niko Peleshi foli nga Lezha për situatën meteorologjike në vend. Në fjalën e tij, Peleshi u shpreh se bashkitë në zonat me reshje intensive të këtyre ditëve kanë bërë një punë të mirë me kanalet kulluese, por natyrshëm lind pyetja: ku janë këta të fundit kur vendi përmbytet?
Nëse Shkodra, Durrësi apo Elbasani do të kishin kanale kulluese funksionale asnjë prej tyre nuk do të ishte përmbytur sa herë që binte shi. Hyrja në Shkodër nuk do të ishte bllokuar dhe as shtëpitë në Elbasan e Durrës nuk do të “pushtoheshin” nga shiu duke u bërë të pabanueshme.
“Sapo bie intensiteti i reshjeve uji kullon dhe liron ato zonat e pushtuara nga uji. Në njësinë administrative të Dajçit kemi disa hektarë nënë ujë, por kur ra intensiteti i reshjeve u liruan menjëherë. Kemi pasur 3 evakuime në Malësinë e Madhe dhe në Bërdicë Forcat e Armatosura po ndihmojnë me mjetet e tyre kalueshmërinë. Nuk ka ujë në banesa dhe nuk ka nevojë për evakuim”, tha Peleshi.
Lexo edhe: Del nga shtrati lumi Gjadër në Shkodër, përmbyten banesat
Në vetëm 24 orë reshje shiu, shumë qytete në vend kanë shfaqur problematike nga më të ndryshmet që tek përmbytjet, te rrugët e bllokuara e deri te ndërprerja e energjisë.
Discussion about this post