Shqipëria do të vijojë të jetë edhe sot nën ndikimin e kushteve atmosferike të paqëndrueshme. Parashikohet që moti të karakterizohet nga vranësira mesatare dhe deri të dendura. Ato do të shoqërohen me reshje shiu të cilat deri në orët e para të mëngjesit do të jenë me intensitet deri të lartë.
Në periudha afatshkurtra dhe lokalisht në zonën e veriut dhe qendër këto reshje do të jenë në formën e rrebesheve shoqëruar me erë të fortë.
Gradualisht në pjesën e parë të ditës reshjet e shiut do të humbasin intensitet dhe territor, e në orët e pasdites do të ndërpriten në të gjithë vendin.
Era me drejtim juglindje-jugperëndim me shpejtësi mesatare 2-8m/s, e në bregdet dhe zonat luginore ajo bëhet e fortë deri në 12-13m/s. Valëzimi në dete i forcës nga 2 deri në 3 ballë.
Temperaturat parashikohen:
në zona malore 3 deri 14°C
në zona e ulëta 8 deri 19°C
në zona bregdetare 12 deri 19°C
Discussion about this post