Ish-ministri i Shëndetësisë, Tritan Shehu paralajmëron se vendi po ‘rrokulliset’ drejt një katastrofe të re sa i takon situatës së koronavirusit.
Përmes një mesazhi në rrjetin social ‘Facebook’ Shehu thekson se në realitet infeksionet e vdekjet sot janë më të larta se komunikimet zyrtare. Sipas tij, Qeveri e pa përgjegjshme qëndron në gabimet e pasivitetin e saj.
REAGIMI I SHEHUT
Covid: “Kambanat” po bihen, ndërsa Shqipëria rrokulliset drejt një katastrofe të re.
Fatkeqësisht çfarë kemi paralajmëruar prej muajsh po ndodh.
Në realitet infeksionet e vdekjet sot janë më të larta se komunikimet zyrtare, siç dhe u zbulua deri tashti me 16 mijë humbjet e jetëve.
Ndërkaq kjo Qeveri e pa përgjegjshme qëndron në gabimet e pasivitetin e saj.
Prandaj dua te rikujtoj çfarë kam thënë për vaksinimin, në ketë situate te rende kur Shqipëria është shume larg imuniteteve pasive dhe atij vaksinues:
1- Është faj e mashtrim edhe me i rëndë i Qeverise ndaj Shqiptarëve tu ofrojë akoma vaksina të pa certifikuara, kineze e ruse të pa efektshme.
Kjo duhet ndaluar e ndryshuar menjëherë, si veproi dhe Kosova.
2-Ndërkaq të gjithë ata, qe kane marre deri më sot këto vaksina, duhet te futen ne proces rivaksinimi të plotë (me dy doza), me ato të miratuara nga EMA.
Ketë po bëjnë dhe vende si Turqia, nga ne u furnizuam me vaksinat kineze.
3- Prej muajit tetor të organizohet aplikimi i dozës së tretë për të vaksinuarit me ato te sigurtat, duke respektuar 6-9 muaj distancë nga doza e dyte.
4- Duhet të zgjerohet gama e të vaksinuarve që prej moshës 12 vjeç.
5-Me realizimin e këtyre pikave hapet rruga e futjes në përdorim të “Green pass”, me rregulla te qarta e demokratike.
6-Për të realizuar imunizimin e domosdoshëm të 85% të popullësisë me vaksinim të plotë, kërkohen mbi 5,5 M doza të sigurta, e realizueshme kjo.
7-Ka dhe masa të tjera të domosdoshme të kërkuara, që lidhen me rimodelimin e kujdesit parësor për forcimin e zgjerimin e gamës së procedurave COVID të tij, rimbursimet, pregatitjen e të gjitha spitaleve, përmirësimet e shërbimeve reanimacionit për të korrigjuar indekset e tyre, liberalizimet ne treg, etj.
Por që për të keqen e shqiptarëve këto “këmbana” nuk po e zgjojnë Qeverinë!
Pra ditë më të këqija na presin!
