Në 10-vjeçarin e fundit numri i lindjeve ka pësuar rënie, ndërsa numri i vdekshmëri është në rritje. Sipas statistikave që ka publikuar INSTAT në vitin 2020 kemi 470 lindje më shumë se sa vdekje. Për vitin 2020 kanë ardhur në jetë 10 mijë bebe më pak nëse e krahasojmë më 10-vjeçarin e kaluar.
Sipas INSTAT, meshkujt shqiptarë janë më jetëshkurtër se sa femrat. Në vitin 2020 patën më shumë raste vdekjesh meshkujsh se sa lindjesh.
Për herë të parë në këtë vit shënuar një tjetër indikator negativ për grupin gjinor meshkuj ku për çdo 100 lindjesh bebe meshkuj, u shënuan 107 vdekje po të këtij grupi gjinor. Kjo tregon që ne jemi duke e tkurrur popullsinë për këtë grup gjinor, por edhe për grupin tjetër. Në fillim të 10-vjeçarit ne kishim 14-15 mijë lindje më shumë se sa vdekje, ndërsa për vitin 2020 patëm vetëm 470 lindje më shumë se sa vdekje.
Arsyen e pakësimit të shqiptarëve duhet ta gjejmë tek mungesa e theksuar e kujdesit të shëndetit të tyre dhe emigrimi masiv jashtë vendit. Mjekësia në Shqipëri sipas raporteve ndërkombëtare është 34 herë më e shtrenjtë se në Bashkimin Europian në raport me pagat. Standardet e jetesës janë shumë të ulëta, si dhe për shkak të papunësisë por edhe shkollimi problematik dhe mungesa e perspektivës bën që familjet e reja të lindin gjithmonë e më pak fëmijë ose të largohen jashtë vendit. Çfarë do të ndodhë pas disa dekadash? Parashikimet thonë se shqiptarët do të jenë një komb i plakur. Të keqen që po vjen e dimë, është koha që të veprohet për ta penguar.
