“Shqipëria s’ka ç’të bëjë më shumë”, Rama: Ja çfarë presim nga komisioneri Varhely

Kryeministri Edi Rama ndodhet në Bypass-in e Vlorës së bashku me Komisionerin për Zgjerim të BE-së, Oliver Varhelyi. Nga rruga e inauguruar gjatë protestës së opozitës, kreu i qeverisë tha se Shqipëria nuk ka çfarë të bëjë më shumë për negociatat. Ndërsa kërkoi që komisioneri Varhelyi të japë ndonjë lajm më shumë nga ajo që presim ne si vend, pra fillimin e negociatave.

“Rikthemi këtu së bashku me ministren e Infrastrukturës dhe Energjisë. E pra, sot është një ditë shumë e bukur këtu. Është kënaqësi e jashtëzakonshme të ngjitesh për të shijuar këtë panoramë të mrekullueshme të Vlorës dhe një ditë që Komisioneri të na thotë diçka më shumë të asaj që ne presim dhe është fillimi formal i negociatave me BE. Nuk dua të zgjatem në këtë pikë, gjërat i kemi thënë, aktualisht Kuvendi i Maqedonisë është mbledhur për të diskutuar atë që quhet propozimi i fundit francez. Shqipëria nuk ka asgjë të bëjë më shumë sesa të presë dhe të shohim dritën jeshile. Pavarësisht aspektit formal të procesit do të vijojmë ashtu siç negociatat do të ishin hapur me reformat, investimet.”