Izraeli ka evakuar 125 afganë përmes vendit tonë në bashkëpunim me IsrAID. Këtu bëhet fjalë për të gjitha ata persona të cilët u larguan nga vendi i tyre për shkak të pushtimit të talebanëve ku u shkaktua një kaos i vërtetë. Vendi ynë ishte ndër të parët i cili priti shtetasit afganë të cilët u vendosën në kryeqytet, Durrës apo Shëngjin.
Gjyqtarë, gazetarë, mësues e shumë të tjerë të cilët pritet të vendosen në Kanada, Zvicër apo edhe në vendet e tjera të zhvilluara. Ka qenë Drejtori i Përgjithshëm i IsrAID Yotam Politze, i cili është shprehur: “Pavarësisht se ka qenë një proces i gjatë e i vështirë, po ndërtohen baza dhe tashmë qëllimi është që refugjatëve t’u sigurohet gjithçka që u duhet për të ndërtuar jetën e tyre”.
E gjithë situata u krijua në momentet kur Shtetet e Bashkuara të Amerikës u tërhoqën nga Afganistani, i cili më pas u pushtua nga talebanët.
