Një përplasje është regjistruar mes simpatizantëve të tre forcave politike, PD, LSI dhe PS.
Në pamjet e mëposhtme shfaqen njerëz të grumbulluar, ku i pranishëm është edhe ministri i Brendshëm, Bledi Çuçi.
News 24 raporton se simpatizantët e PD dhe LSI kanë filmuar votuesit e Partisë Socialiste dhe ky ka qenë shkaku i konfliktit.
Mes të pranishmëve në konflikt ka qenë edhe Arianit Arapi, ish-drejtor policie në DPQGJ, aktualisht pjesë e stafit të fushatës të ministrit Blendi Çuçi.
Ditën e sotme qytetarët shqiptarë zgjedhin përfaqësuesit e tyre në katër vitet e ardhshme, ndërkohë që përveç disa incidenteve të vogla situata deri tani paraqitet e qetë.
