Një incident i rëndë është shënuar këtë të mërkurë në Dibër, ku dy efektiv i forcave “Shqiponja” kanë mbetur të plagosur gjatë një operacioni për kapjen e një personi.
Paraprakisht ngjarja është shënuar në momentin kur forcat e policisë janë futur në një banesë për të arrestuar autorin e dyshuar.
Policia bën me dije se operacioni është zhvilluar në Maqellarë, për arrestimin e Klodian Llomi (Mazari)., 35 vjeç.
Ky shtetas ishte shpallur në kërkim, pasi Gjykata e Apelit, ka njohur dënimin e Gjykatës së Apelit të Romës në Itali, ku ka për të vuajtur dënimin e mbetur 6 vite, 7 muaj e 2 ditë burg për veprat penale “Organizatë kriminale”, “Shfrytëzim prostitucioni” dhe “Trafikim i lëndëve narkotike”.
Gjatë ndërhyrjes, personi i cili ishte në shënjestër të aksionit ka shtyrë nga lartësia policin Gentian Meda, 40 vjeç, dhe kolegun e tij Bilal Gjapi.
Meda është nisur me helikopter në Tiranë për shkak të dëmtimeve që ka marrë në kokë, ndërkohë Gjapi raportohet se ka thyer këmbën.
LLomi është vënë në pranga nga efektivët e tjerë të policisë.
Ai është shoqëruar në komisariat, ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Discussion about this post