Dy shqiptarë kanë rënë në prangat e policisë greke ditën e sotme. Për arsye hetimore mediat greke nuk kanë bërë publike emrat e tyre, por mësohet se është zbuluar sasia më e madhe e bimëve të kanabisit në vitet e fundit e kultivuar nga dy shqiptarët në një zonë të paarritshme në Olimp.
Bëhet fjalë për 5052 fidanë.
Ky është plantacioni i dytë i madh i zbuluar në një kohë të shkurtër nga Prokuroria e Narkotikëve pranë Nëndrejtorisë së Sigurisë së Larisës, pasi u parapri nga zbulimi i 2100 fidanëve kanabis në muajin gusht në një zonë malore të Bashkisë Agia.
Në operacion morën pjesë mbi 120 policë, ndërsa sipas një deklarate të Sindikatës së Policisë së Larisës, u deshën më shumë se dy orë ecje në shtigje të përafërta për të mbërritur në vendngjarje, shkruan Zaugla.
Për shkak të terrenit të vështirë dhe të pjerrët të zonës, transporti i fidanëve të kanabisit është kryer me asistencën e Shërbimit të Transportit Ajror të Zjarrfikësve.
Discussion about this post