Fundjava dhe temperaturat e larta kanë bërë që shqiptarët t’i drejtohen zonave turistike në bregdet, ç’ka duket se ka sjellë një trafik të rënduar në akset rrugore. Temperaturat e larta të kësaj fundjave kanë nxitur qytetarët e Tiranës që ti drejtohen plazhit të Durrësit. Kjo ka sjellë radhë kilometrike mjetesh të ngecura në vapën përvuluese në një trafik që nis nga Vora deri tek kthesa e Gjirit të Lalzit.
E ndërsa Policia e Shtetit në komunikimet e përditshme flet për praninë e saj në rrugë me synim disiplinimin e trafikut, duket se ajo që është krijuar në të paktën në akset kryesore rrugore, është kaosi.
Ndoshta infrastruktura rrugore nuk përballon një fluks lëvizjeje, por ajo që ngre pikëpyetje të mëdha është fakti se në situata emergjente, në këto akse nuk mund të kalojnë as ambulanca dhe as zjarrfikëse.
Discussion about this post