Radhët e gjata me turistë në kufirin Kosovë-Shqipëri tashmë janë bërë të përvitshme. Ardhja e sezonit veror ka sjellë edhe trafik të rënduar në rrugët e vendit, ndërsa situata duket më e rënduar në Kalimash. Bëhet me dije se ditën e sotme janë shënuar radhë makinash dhe trafik edhe në “Rrugën e Kombit”, kryesisht në afërsi të trarit ku bëhet pagesa në Kalimash. Me dhjetëra makina, ku brenda ka dhe fëmijë të vegjël, presin me orë të tëra të bëjnë pagesën dhe të lëvizin drejt bregdetit shqiptar.
Sipas të dhënave kompania koncesionare kishte marrë masa për shtimin edhe të dy sporteleve edhe në kahun e kundërt të lëvizjes, por sërish trafiku ishte i lartë dhe turistët ankohen për torturën që po kalojnë. Sipas tyre është një turp dhe sorollatje për ta trari i vendosur mes Kosovës dhe Shqipërisë. Ndërkohë që më kalimin e orëve radhët shtohen dhe qytetarët e kanë të pamundur të përballojnë në ditë të nxehta.
Discussion about this post