Lazio do të përballet sot në orën 18:30 për raundin e 18 të Seria A me Genoan në një ndeshje që pritet të zgjojë shumë interes.
Nuk dihet nëse lojtarët shqiptarë të vendasve Elseid Hysaj apo Thomas Strakosha do të kenë hapësirë për të luajtur, megjithatë shqiptarët pritet ta ndjekin me shumë vëmendje këtë sfidë.
Aktualisht Lazio renditet në vend të 9 me 25 pikë dhe kërko të përforcojnë akoma më tej pozitat, teksa Genoa qëndron në vend të 18 me 10 pikë gjithsej.
Një tjetër ndeshje e Seria A ku pritet të shohim lojtar të Kombëtares ‘Kuqezi’ është ajo midis Salernitana dhe Inter. Frederik Veseli duket se ka gjetur hapësirën e tij te vendasit, duke bërë që edhe sot të pritet ta nisë si titullar këtë sfidë ‘ferri’.
Ekipi i mbrojtësit shqiptar që aktualisht qëndron në fund të tabelës së Seria A do të përballet me kryesuesit e kampionatit, në një takim që duket si mision i pamundur. Ndërsa rikujtojmë se Salernitana ka dhe një tjetër problem shumë serioz, sa këtë vit që u rikthye në Seria A mund të përjashtohet për shkak të pronësisë së njëjtë me Lazio.
Ndërsa në La Liga do të shohim skuadrën e Keidi Bare, Espanyol që do të ndeshet në transfertë me Celta Vigo në orën 21:00 të mbrëmjes.
Ky takim është i vlefshëm për raundin e 18 të kampionatit spanjoll, ndërsa lojtari shqiptar pritet të zbresë në fushë edhe pse nuk dihet ende si pjesë e formacionit startues apo nga stoli.
Aktualisht Espanyol qëndron në vend të 9 më 23 pikë, teksa Celta Vigo renditet e 14 më 17 pikë./K.T/Gijotina.com
Discussion about this post