Mbrëmjen e sotme vëmendja e publikut është tek finalja e spektaklit televiziv më të ndjekur deri më tani Big Brother Vip. Komentet dhe reagimet në lidhje me spektaklin kanë qenë të shumta, sidomos ditët e fundit ku nuk kanë munguar edhe memet në rrjetet sociale.
Për të zgjedhur fituesin, publiku duhet të votojë me anë të një sms të thjesht me telefon duke dërguar emrin e personit që duan të fitojë. Por disa nga shikuesit kanë zgjedhur të përdorin ironinë me mesazhin, duke dërguar emrin e Mirel Mërtirit dhe Klodian Zotos, persona këta që janë të përfshirë në aferën e inceneratorëve.
Duke qenë se edhe drejtuesit e televizionit Top Channel janë akuzuar që kanë përfituar nga afera e inceneratorëve, ironia e ndjekësave që kanë dërguar mesazhin i shkon përshtat momentit. Pasi kohët e fundit dy ngjarjet që kanë mbytur opinionin publik, është Big Brother Vip dhe afera e inceneratorëve, që për fat të mirë e të keq, televizioni Top Channel ka pjesën e tij në të dyja.
Discussion about this post