Kryeministri Edi Rama në çdo dalje thotë se nuk do të ketë ulje taksash, pasi jemi vendi me taksat më të ulta në rajon. Askush nga ne që paguan çdo muaj këto detyrime nuk e beson këtë, por qe kryeministri gënjen e vërtetojnë të dhënat konkrete më shifra. Konkretisht, çdo familje shqiptare paguan mesatarisht 25 mijë-45 mijë lekë në vit vetëm taksa dhe tarifa vendore.
Sipas një studimi të bërë nga qendra “Altax”, në një mesatare të barrës tatimore të një taksapaguesi llogaritet se pjesa e barrës tatimore vendore (përfshirë tarifat) është nga 25 mijë lekë/familje në vit për bashkitë e vogla deri në 45 mijë lekë/familje në vit në Tiranë.
Gjenda rëndohet nëse barrës tatimore vendore, i shtohet edhe barrën tatimore të tatimeve të konsumit dhe taksave të ambientit. Pasi në këtë rast rezulton se barra tatimore për familje varion nga 265 mijë lekë në vit në bashkitë e vogla deri në 290 mijë lekë në vit në Tiranë. Studimi nxjerr në pah se kjo barrë tatimore është mesatarisht nga 22 mijë lekë – 24 mijë lekë në muaj apo pak më shumë sesa minimumi jetik ende i padeklaruar.
“Nëse llogaritim që përjashtimi nga taksat vendore është për kategori shumë të papërfillshme familjesh dhe individësh, atëherë shihet se barra tatimore reale është dukshëm në nivele të ndjeshme për familjet e varfëra dhe kategoritë me të ardhura të ulëta”, thuhet në studim.
Nisur nga llogaritjet mesatare, “Altax” sugjeron se nevojitet që sistemi fiskal të konsiderojë që të zbatojë një model progresiviteti në normat tatimore për taksat vendore, me qëllimin e zbatimit të politikës së taksimit të ndershëm, ku familjet me të ardhura të larta të paguajnë më shumë dhe për të kompensuar edhe për barrën më të ulët për familjet e varfra dhe me të ardhura të ulëta. Sipas studimit, kjo politikë është edhe një ndihmë për të ndikuar mbi frenimin e informalitetit dhe shmangies së pagimit të taksave vendore nga ata që nuk kanë mundësi të paguajnë.
Discussion about this post