Mungesa e ushqimit në Ukrainë po përhapet për shkak të anijeve luftarake ruse që kanë bllokuar portet e Ukrainës dhe tregtinë në Detin e Zi, është shprehur zëvendësministri ukrainas i Ekonomisë, Taras Kachka.
Po ashtu për këtë situatë reaguar dhe mjeku shqiptar Gazi Zeka i cili bëri apel për të ndihmuar komunitetin shqiptar që jeton në Ukrainë, të cilët siç tha rrezikojnë edhe të vdesin urie.
Mjeku Zeka i cili jeton në Poloni ka ideuar nismën për të furnizuar me ndihma shqiptarët që jetojnë kryesisht në Odesa dhe Zaporozhia.
Në Euronews Albania, ai e cilësoi shumë të rëndë gjendjen e shqiptarëve që jetojnë në Ukrainë.
“Ju lutem shqiptarë, viheni dorën në zemër për të ndihmuar shqiptarët që janë të izoluar, që rrezikojnë të vdesin pa ushqim. Populli shqiptar duhet të kujdesen, duhet të mblidhen ndihma për popullin shqiptar që janë në situatë shumë të vështirë. Në Zaporozhia shqiptarët janë të rrethua”, apeloi mjeku.
Discussion about this post