Teksa protesta në “Sheshin Skëndërbej” ka nisur , ku do të kulmojë para Kryeministrisë, policia ka marrë një sërë planesh për të mbrojtur Edi Ramën. Në foto duket që një sërë furgonësh të policisë dhe me qindra policë kanë rrethuar godinën, ndërsa qytetarët po marshojnë në bulevardin “Dëshmorët e Kombit” drejt Kryeministrisë. “Boll na vodhët” dëgjohet të thërrasin ata, ndërsa shihet që janë një numër i lartë pjesëmarrësish, të cilët shprehen se kjo do të jetë një protestë paqësore.
Siç duket edhe nga pamjet, mbi tarracën e Kryemininistrisë janë vendosur disa efektivë për të parë nga lart gjithë çfarë ndodh me tubimin poshtë. Kujtojmë se mbrëmjen e shkuar policët që mbronin Kryeministrinë kanë dhunuar e arrestuar disa protestues, prandaj sot bëhet thirrje për lirimin e tyre.
Discussion about this post