Shqiptarët nisin të hapin ‘shtëpi bari’ në Gjermani, 4 të arrestuar

Katër shqiptarë janë arrestuar në Gjermani pasi u kapën në një fermë kanabisi.

Të arrestuarit janë të moshave 23 deri në 46 vjeç. Mediat vendase raportojnë se policia sekuestroi 2 mijë bimë kanabisi, të cilat ishin në disa ‘dhoma’ të përshtatura posaçërisht për kultivimin e kanabisit.

Droga e kapur me datë 26 prill arrin sasinë e 3 kilogramëve. Sakaq, katër shqiptarët ndodhen aktualisht në paraburgim dhe pritet që të dalin në gjyq.

Operacioni u finalizua në periferi të qytetit të Schindhard në një magazinë industriale, të cilën mediat gjermane e cilësojnë si “Fabrika e kanabisit”.