Shqiptarët nuk zënë mend, ngasin mjetet pa patentë. E pësojnë…

Shqiptarët vazhdojnë që të mos jenë të kujdesshëm në makinë, duke ngarë mjetin pa patentë ose në gjendje të dehur.

Kështu, Policia Rrugore ka arrestuar një 27-vjeçar, pasi në gjendje të dehur ka përplasur dy mjete të tjera, por se fatmirësisht nga aksidenti kishte vetëm pasoja materiale. Po ashtu, janë arrestuar në orët e fundit edhe dy shoferë të tjerë, që ngisnin mjetin nën efektin e alkoolit.

“Specialistët e Qarkullimit Rrugor arrestuan shtetasit:

– E. C., 27 vjeç, banues në Tiranë, pasi duke drejtuar automjetin, në efektin e alkoolit, ka përplasur dy automjete të tjera, me pasoja vetëm dëme materiale;

– S. P., 22 vjeçe, banuese në Tiranë, pasi u kap duke drejtuar automjetin, pa leje drejtimi;

– Sh. S., 53 vjeç, banues në Tiranë, pasi u kap duke drejtuar motomjetin, pa leje drejtimi.

Materialet i kaluan Prokurorisë, për veprime të mëtejshme”, njofton policia.