Ish-deputeti Kamberi ka thënë se koalicioni i Shqiptarëve të Luginës nga zgjedhjet e sotme në Tërrnoc, ka marrë vetëm 598 vota, të pamjaftueshme për rizgjedhjen e tij. Në një prononcim për mediat, Kamberi ka thënë se 6 nga këto vota i ka marrë Partia Socialiste e Serbisë, ndërkohë që 10 të tjera janë shpallur të pavlefshme. Kështu Shaip Kamberi nuk do të jetë më pjesë e Parlamentit të Serbisë, ndërsa shqiptarët nuk do të jenë më të përfaqësuar në parlamentin e Serbisë.
“598 vota i kemi marrë, për 13 vota nuk e arrijmë mandatin sepse 6 vota ka marrë SPS dhe 10 të tjera janë të pavlefshme” – ka thënë Kamberi.
Sipas raportimeve, në vendvotimin në shkollën fillore “Muharrem Kadri” kanë votuar 618 nga 1050 votues të regjistruar, përfundon raportimi. Kujtojmë se në zgjedhjet e përsëritura për herë të dytë në Tërnoc të Bujanocit, Kamberi ka marrë 679 vota të cilat ishin të mjaftueshme që ai të bëhej deputet.
Por, një ankesë nga koalicioni SPS, Serbia e Bashkuar dhe “Të Gjelbrit e Serbisë”, shtyu Komisionin Republikan të Zgjedhjeve që zgjedhjet të përsëriten edhe një herë, të cilat u mbajtën sot.
Discussion about this post