‘Shqiptarët pa viza në Emiratet e Bashkuara Arabe nga 20 prilli’

Shumë shpejt shqiptarët do të kenë mundësinë të udhëtojnë pa viza në Emiratet e Bashkuara Arabe.

Ka qenë kryeministri Edi Rama ai që e ka ndarë lajmin nëpërmjet një postimi në rrjete sociale. Siç shkruan kreu i qeverisë, ky vendim hyn në fuqi duke filluar nga 20 Prilli 2023.

“Edhe Emiratet e Bashkuara Arabe pa viza nga 20 prilli”, ka shkruarai.

Në janar të këtij viti u njoftua se edhe Kina do të hapet pa viza për shqiptarët.

Dy muaj më parë zv.ministrja e Jashtme, Megi Fino dhe ambasadori kinez në Tiranë, Zhou Ding firmosën marrëveshje për heqjen e vizave.