Pas ndeshjeve të Champions, Europa dhe Conference League janë rikthyer ndeshjet e kampionateve vendase.
Në Seria A Torino do të ndeshet në transfertë me Spezian në orën 15:00 për raundin e 12 të kampionatit italian, teksa ende nuk dihet nëse portierit të Kombëtares shqiptare, Etrit Berishës do i besohen minuta aktivizimi, pasi që nga momenti që është transferuar në këtë ekip i është dhënë shumë pak kohë.
Aktualisht Torino renditet në vendin e 12 me 14 pikë, teksa kundërshtari i kësaj sfide qëndron në vendin e 18 me 8 pikë.
Teksa në orën 20:45 Atalanta do të ndeshet në transfertë me Cagliarin. Ylli i mbrojtjes së Kombëtares shqiptare, Berat Gjimshiti do e ketë këtë ndeshjen e dytë pas rikthimit nga dëmtimi, ndërsa pritet të jetë sërish në rolin e titullarit.
Atalanta qëndron në vendin e 5 me 19 pikë, teksa Cagliari është në fund të tabelës së Seria A me vetëm 6 pikë në 11 ndeshje të luajtura.
Në Premier League ditën e sotme po ashtu do të shohim një tjetër shqiptar. Skuadra e yllit të Kombëtares së Kosovës, Milot Rashicës, Noreich do të përballet në transfertë me Brentford.
Skuadra e ‘kanarinave’ do të luajë sot në orën 16:00 për raundin e 11 të kampionatit anglez, teksa aktualisht renditet në fund të tabelës me vetëm 2 pikë, teksa kundërshtari i tyre qëndron në vend të 13 me 12 pikë.
Shqiptari i Kosovës luan në vend titullari me ekipin e Norwich, teksa edhe në këtë sfidë pritet të jetë në formacionin startues./K.T/Gijotina.com
Discussion about this post