Një shqiptar i arratisur nga burg, 42-vjeç së bashku me një grek 58-vjeç janë arrestuar për grabitjen e një dege të një banke ditën e djeshme në Peristeri, Athinë.
Mediat greke kanë publikuar pamjet e momentit kur grabitësit, shqiptari dhe greku futen brenda në bankë të armatosur duke grabitur degën. Shqiptari nën kërcënimin e armës bllokoi arkëtarin dhe mori shumën që gjendej brenda më pas doli duke u arratisur me bashkëpunëtorin e tij grek që po e priste.
Por arratia nuk zgjati shumë. Dy grabitësit u lokalizuan dhe pavarësisht rezistencës u prangosën. Shqiptarit, identiteti i të cilit nuk publikohet iu sekuestruan një pistoletë me mulli, fishekë, një shumë në euro dhe veshjet e përdorura për grabitjen.
Grekut iu gjet një armë, thika dhe makina që përdorën për t’u larguar nga vendi i ngjarjes. Policia greke thotë se shqiptari ishte arratisur nga burgu në 20 janar të vitit të kaluar, ku p vuante dënimin 28 muaj për vjedhje, rezistencë dhe hyrje ilegale në Greqi.
