Një shqiptar dhe një rom kanë sulmuar punëtorët e një fabrike të përpunimit të mbetjeve, pasi makineritë që ata përdornin i shqetësonin.
Ngjarja ka ndodhur në orët e mbrëmjes në Selanik. Shqiptari dhe romi kanë hyrë në një biznes të riciklimit të metaleve në Autostradën e Vjetër Kombëtare Selanik-Kilkis dhe kanë sulmuar tre punëtorë.
Më pas autorët kanë hipur në makinat e tyre për t’u larguar. Por pak çaste më vonë 34-vjeçari me origjinë shqiptare është kthyer me makinë, ka dalë nga automjeti dhe ka qëlluar dy herë me armë zjarri në drejtim të punëtorëve, fatmirësisht pa shkaktuar të lënduar. Më pas ai është larguar në drejtim të panjohur.
Në shtëpinë e 34-vjeçarit shqiptar, policia ka gjetur dhe sekuestruar 1 pistoletë së bashku me tetë bombola gazi dhe 22 fishekë metalikë, si dhe 1 karikator, 1 grusht hekuri dhe 1 thikë në një këllëf lëkure.
Discussion about this post