Një mrekulli e kanë cilësuar mediat në Francë, momentin kur një shqiptar ka pritur me duart e tij, një punëtor që po binte nga 10 metra lartësi.
Siç edhe shkruajnë mediat, Redi Rrjolli së bashku me familjen sapo kishte dalë nga banesa në qytetin e Mulhouse në Francë kur ka parë disa punëtor që po punonin në skela.
Ishte rreth orës 15:00 e ditës së dielë, 15 dhjetor. kur ai bashkë me gruan e tij dhe djalin vetëm 14 muajsh kanë dalë nga banesa për të bërë pazar.
Ndërsa po ecnin në rrugë, në krah të disa skelave të ngritura, shqiptari Redi Rrjolli është përfshirë në atë që media e cilësoi si mrekulli.
Një punëtor, vetëm 17-vjeçar që po punonte në skelë, në mënyrë aksidentale ka humbur ekuilibrin dhe ka rënë.
Ka qenë veprimi instiktiv i Rrjollit, i cili ka hapur krahët dhe e ka pritur trupin e 17-vjeçarit, duke i zbutur rënien në tokë, e në këtë mënyrë duke i shpëtuar edhe jetën. Menjëherë në ndihmë të tij kanë ardhur edhe persona të tjerë që ishin aty.
Punëtori 17-vjeçari shpëtoi, por edhe shqiptari duket se kishte marrë disa lëndime, për shkak të peshës, ai ka pasur pak probleme me krahët, por që siç duket nuk kanë qenë shqetësuese.
Veprimi i tij është përshëndetur nga kryebashkiaku i Mulhose, policia dhe zjarrfikësit të cilët e falënderuan për veprimin e tij shpëtimtar.
Discussion about this post