Një shqiptar ka fituar pafajësinë pasi bëri 15 vite burg, si i përfshirë në trafikun e drogës. Shqiptari 41 vjeç u arrestua në shtator të vitit 2008 nga Guardia di Finanza. Bashkë me të janë arrestuar edhe tre bashkëatdhetar të tjerë për trafik droge.
Ai u akuzua se kishte transportuar 12 kilogramë kokainë me ndihmën e një shqiptari tjetër, akuzë e cila doli e pavërtetë pas hetimeve.
Gjatë procesit gjyqësor avokati mbrojtës Giuliano Renzi tregoi pafajësinë e klientit të tij, duke faktuar se si kontaktet me korrierin kufizoheshin në disa telefonata dhe se i pandehuri thjesht kishte rastisur të kalonte rrugës në momentin e arrestimit.
Shqiptari pretendoi se kishte kontakte të rralla me anëtarin e tretë të grupit me të cilin takohej herë pas here për të shkuar në disko dhe se pas 15 vitesh e kishte të vështirë të mbante mend ato që kishin thënë gjatë telefonatave.
Prandaj, gjyqtarët e Bordit të Gjykatës së Riminit e shpallën të pafajshëm 41-vjeçarin.
Discussion about this post