Një shqiptar i dehur ka terrorizuar kalimtarët mbrëmjen e sotme në Trasteveremë dhe më pas është zhytur në lumin Tiber, për t’i shpëtuar thirrjeve të karabinierëve. Ngjarja ka ndodhur në Ponte Sisto, në Romë. Protagonisti është një 26-vjeçar shqiptar i pastrehë. Gjithçka nisi kur disa persona lajmëruan numrin e vetëm të urgjencës për të riun.
Teksa ka parë uniformat, 26-vjeçari ka ikur duke zbritur shkallët që të çojnë në kalatë, teksa përpiqej të fshihej. Pasi e kanë arritur dhe i kanë kërkuar mjetin e identifikimit, i riu ka shtyrë dhe sulmuar karabinierët dhe më pas është zhytur në lumë, duke gjetur strehë në një nga shtyllat qendrore të urës.
Më pas karabinierët me ndihmën e zjarrfikësve, arritën ta kapnin dhe dërgonin në komisariat, pasi u ndalu nën akuzat e ushtrimit të dhunës dhe rezistencës ndaj një zyrtari publik.
Discussion about this post