Shqiptari i ndërpret me dhunë shtatzaninë të dashurës, arrestohet

Policia greke në Zakynthos arrestoi një 27-vjeçar shqiptar, pasi i ndërpreu shtatzaninë me dhunë të të dashurës së tij 19-vjeçare nga ishulli.

Sipas ERT, ngjarja ka ndodhur mbrëmjen e së martës kur 27-vjeçari, Ymer Ramadan Haxhiaj ka shkuar dhe ka marrë nga shtëpia 19-vjeçaren, e cila ishte rreth dymuajshe shtatzënë.

Sipas të njëjtave informacione, 27-vjeçari pasi ka marrë partneren në shtëpinë e tij, e ka lidhur, e ka rrahur dhe e ka detyruar të marrë mjekim për të ndërprerë shtatzaninë.

Të nesërmen në mëngjes, Haxhiaj e dërgoi 19-vjeçaren në spitalin e Zakynthos, ku po trajtohet jashtë rrezikut për jetën, por pasi abortoi.

Pas një denoncimi, persona të Drejtorisë së Policisë së Zakynthos arrestuan dje, të mërkurën, 27-vjeçarin, i cili do të sillet në prokurori me akuzën e dhunës në familje, ndërprerjes së shtatzënisë, dëmtimit të rrezikshëm trupor dhe vjedhjes, sepse i kishte marrë celularin të dashurës.