Një shqiptar është kapur nga policia kufitare në tunelin e Mont Blanc, brenda autobusit. Ai është konstatuar me bizhuteri, ora dhe monedha të vjedhura. Gjatë kontrollit është vënë re se atij i mungonte edhe dokumentacioni i përshtatshëm për të hyrë në territorin italian.
Më pas, shqiptarit iu gjetën 110 sende të vjedhura, duke përfshirë bizhuteri, ora, zinxhirë dhe monedha.
Prokurori Publik i Aostës, Giovanni Roteglii aktivizoi menjëherë kanalet e bashkëpunimit ndërkombëtar me autoritetet franceze e në këtë mënyrë, hetuesit arritën të gjurmonin pronarët e ligjshëm të të paktën tridhjetë objekteve. Bëhet fjalë për tre shtetas francezë, me banim në Akuitaninë e Re, të cilët kishin rënë pre e vjedhjes nga shqiptari.
Prokurori kërkoi nxjerrjen e një dekreti penal për marrjen e sendeve të vjedhura ndaj shqiptarit.
Discussion about this post