Shqiptari kapet duke punuar në shtëpi bari në Gjermani, ja si u zbulua

Policia gjermane arrestoi një 34-vjeçar shqiptar, i cili u kap duke punuar në një shtëpi bari.

Sipas raportimeve, shtëpia e barit është zbuluar në zonën Mandtstrasse në Remscheid.

Para operacionit, policia kishte marrë një denoncim nga banorët se nga shtëpia vinte era e kanabisit. Përveç kësaj, dritaret e xhamit ishin të ngjitura me shirit.

Policia sekuestroi edhe pajisjet që shërbenin për plantacionin. Me urdhër të prokurorit, shtetasi shqiptar është nxjerrë para magjistratit, i cili ka lëshuar një urdhër arresti.

Hetimet janë në vazhdim. Nëse shpallet fajtor, i akuzuari përballet me një dënim të rëndë me burg.