Një shqiptar u kap brenda fermës së kanabisit në Britani e tentoi që të largohej mirëpo s’ja doli dot. Policia kapi Aurel Kajon teksa u përpoq të dilte nga dera e pasme, ndërsa oficerët po kryenin një urdhër kontrolli në një shtëpi në Shildon, raportojnë mediat e huaja.
Gjykata e Durham Crown deklaroi se tre dhoma brenda shtëpisë po përdoreshin për të rritur bimë kanabisi. Prokuroria, tha se dhoma u ndihmua me furnizim falas me energji elektrike. Një analist ekspert i policisë së drogës tha se 45 nga bimët ishin rreth dy javë nga maturimi, por 89 të tjerat ishin shumë më pak të pjekura, rreth mesit të ciklit të rritjes.
Touers tha se vlera kryesore e bimëve pothuajse të pjekura konsiderohej të ishte rreth 4,500 £, ndërsa vlera e shitjes me shumicë do të kishte qenë të paktën 7,600 £.
Kajo, pranoi prodhimin e kanabisit në daljen e tij të parë në gjykatë. Andreu Fenny, mësoi se shqiptari është i martuar dhe ka dy fëmijë të vegjël që jetojnë në Shqipëri, ndërsa gruaja është në pritje të një fëmijë tjetër.
Kajo erdhi në Mbretërinë e Bashkuar ilegalisht në tetor të vitit të kaluar, duke paguar 4,000 £ për të mbuluar koston e kalimit të tij. Fillimisht ai u mbajt në një qendër paraburgimi në jug të Anglisë për rreth tre javë, më pas u dërgua në një hotel, nga i cili u arratis dhe shkoi në Londër me shpresën për të gjetur punë.
“Ai kishte shumë pak para dhe është e qartë se njerëzit që iu afruan atij u detyrohet ende 4,000 £. Ai mbërriti në adresën në fjalë më 4 dhjetor dhe, të them të drejtën, e kuptoi menjëherë përmasat e operacionit që po zhvillohej. Atij iu tha nëse do të punonte deri më 12 mars, borxhi do të “zhdukej”.
Gjithçka që ai duhej të bënte ishte të ujiste bimët e kanabisit dhe të kujdesej për to. Atij iu dhanë 200 £ për të jetuar dhe iu tha se duhet të largohej vetëm një herë në muaj për të marrë pak ushqim. Për meritë të tij ai pranon se i është dhënë çelësi i derës së pasme të vendit ku rritej kanabisi dhe mund të vinte e të shkonte’- tha avokati i shqiptarit.
Discussion about this post