Një 33-vjeçar shqiptar, i cili ka qenë në arrati për më shumë se katër vjet, është arrestuar dhe dënuar me tre vjet e shtatë muaj burg nga drejtësia në Itali.
Ai kishte qenë i arratisur dhe i kërkuar për një listë të gjatë krimesh. Ditët e fundit, oficerët e gjurmuan atë në një hotel në qytet.
I arrestuari është me qëndrim të paligjshëm në Itali, me një precedent të gjerë kriminal dhe policor dhe subjekt i një urdhri ndalimi të lëshuar nga Prokuroria Publike e Breshias.
Urdhri rrjedh nga dënimet e formës së prerë për krime kundër pronës, mashtrim dhe trafik droge.
Pasi u identifikua në selinë e policisë, ai u transferua në burgun e Canton Mombello për të vuajtur një dënim me 3 vjet e 7 muaj. Hetimet janë duke u zhvilluar për të përcaktuar se kush mund ta ketë ndihmuar atë të mbetet i arratisur deri në arrestimin e tij, informon media italiane.
Duke pasur parasysh rrezikshmërinë shoqërore të 33-vjeçarit, prirjen e tij për krime dhe precedentët e shumtë penalë, Shefi i Policisë së provincës së Brescias, Paolo Sartori, ka lëshuar një urdhër dëbimi kundër tij nga territori kombëtar, i cili do të hyjë në fuqi në fund të vuajtjes së dënimit të tij.
Discussion about this post