Një ngjarje e rëndë ka ndodhur në Itali, ku një shqiptar ka tentuar të vrasë bashkëshorten e tij me pushkë, pasi ishte në gjendje të dehur.
Mediat italiane shkruajnë se 37-vjeçari shqiptar Ervis Rakipaj ra në prangat e policisë italian, pasi akuzohet se ka keqtrajtuar dhe ka tentuar të vrasë gruan e tij. E gjithë ngjarja ndodhi shtunën në mbrëmje, ku Rakipaj pasi mbaroi punën e njoftoi gruan përmes ‘Ëhatsapp’ se ai do të pinte një birrë me miqtë.
Kur u kthye në banesë rreth orës 2:00, ai e zgjoi atë, i mori celularin nga jastëku dhe i kërkoi ta ndiqte në kuzhinë. Më pas gruaja menjëherë vuri re pushkën dhe ishte frikësuar, sepse në raste të tjera burri i saj e kishte kërcënuar me vdekje.Ka qenë motra e vajzës ajo që ka bërë të mundur parandalimin e ngjarjes së rëndë. Në momentin që shqiptari ka marrë pushkën dhe ia ka drejtuar bashkëshortes, e motra e ka drejtuar armën nga dyshemeja, duke parandaluar krimin
Më herët, 37-vjeçari ka qenë në burg për akuzat e vrasjes në tentativë dhe keqtrajtimi në familje. Gjatë kontrollit, shqiptarit iu gjetën gjithashtu një pushkë, një pistoletë, si dhe 136 plumba. Po ashtu u sekuestruan edhe 500 gr marihuanë dhe material paketimi.
Çifti ishte vendosur në Itali në vitin 2017, ndërsa prej vitësh 37-vjeçaro kishte filluar të abuzonte me alkoolin dhe kokainën, duke ushtruar mbi të dhunë fizike.
